लु:ज: इन्टरटेनमेन्टया ब्यानरय् निर्माण जूगु संकिपा ‘नभ्य’या टिजर सार्वजनिक जूगु दु ।थुगु संकिपाया टिजर लुःज इन्टरटेनमेन्ट युट्युब च्यानलय् सार्वजनिक याःगु खः । ताःई न्ह्यःनिसें पियाच्वंगु थुगु संकिपाया टिजर सार्वजनिक जूगु दु ।
निर्माता व निर्देशक लु:ज: सिहं “बांलाःगु संकिपा दयेकेगु निंतिं भचा ई काःगु खः, अले थ्व हे झ्वलय् जिके छुं व्यक्तिगत समस्या वःगुलि संकिपा लिबात ।” निर्माता–निर्देशक सिंहं धयादी, “जिं याकनं हे थुकियात क्यनेगु तयारी यानाच्वनागु दु ।
‘नभ्य’ संकिपाया ट्रेलर चैत्र १ गते सार्वजनिक यायेगु तयारी दु। “थ्व छगू सामाजिक व संकिपाय् मिजं व मिसा तय्गु मनाेबिज्ञानय् अधारित दु ।” सिहं धाःगु दु, “आः ट्रेलर पिहां वया च्वंगु दु, उकिं संकिपाया बारे छुं थुइके फइ ।”
सिहं चैत्रया महिनाया अन्तिमय् संकिपा रिलिज यायेगु तयारी जुया च्वंगु जानकारी बियादीगु दु।
थुगु बाखं निर्माता–निर्देशक लु:ज: सिंह लिसें विप्लव अ।र पोखरेलं बाखं च्वयादीगु दु । निर्देशन सिंह व पोखरेलया खः । सुमन कपालीं संगीत तयादीगु म्येय् म्येहालामि रिमा गुरुङ व संगीतकःमि कपालीया सः दुथ्याना च्वंगु दु ।
थुगु संकिपाय् आशिष्मा नकर्मी, प्रेक्षा अधिकारी, प्रशन्न गोपाली, विकास न्यौपाने, अभिनव अर्याल लगायतया मू भुमिका दु ।
कान्तिपुर टेलिभिजनय् प्रसारण जूगु लोकंह्वाःगु सिरियल ‘कथा प्रेमका’ व संगीता श्रेष्ठं निर्देशन याःगु संकिपा ‘कथा काठमाडौं’या सिनेमाटोग्राफर लुः जः सिहं निर्देशन याःगु थ्व संकिपा थौंकन्हय् आपालं मनूतय्सं पियाच्वंगु दु ।
