संगीतकमी व च्वमि श्रदय्य रामकुमार ख्येंया कृती, म्ये हालामि किरण अमात्यया तिमीलाया यचु ख्वाःया नेपाल भाषा म्ये संकिपा थाैं ने.स ११४६ पाेहलाथ्व पञ्चमी, बिहिबाः सुथेसिया १२ः०० ता इलय् पितब्वज्या जुल।
संगीतकार व संगीतकार श्रद्धादये रामकुमार ख्येंया संगीत व म्येहालामि किरण अमात्यं हालादीगु तिमिलाया यचु ख्वाः बोल म्येया म्यूजिक भिडियो थौं बालाजुया अष्टनारायण हलय् प्रिमियर जूगु दु । उगु ज्याझ्वलय् अनुभवी कलाकार व क्रोधकला शिरोमणि फाउण्डेशनया प्रमुख राकेश अवालेया सभापतित्वय् जूगु खः । ज्याझ्वलय् मूपाहां पुलांम्ह साहित्यकार शाक्य सुरेनं दीप प्रज्वलन याना प्राेग्राम न्याहयाका दीगु खः ।
विशेष पाहाँ पवन जोशी जुयादीगु खः । जोशीं नेपालभाषाया म्येय् बांलागु प्रस्तुति दुगु धयादिल । थुगु म्येया पुलांम्ह कलाकार प्रभातकुमार ख्येँ निर्माताया सहायक जुयादीगु दु । वय्कलं संगीतकार व म्येच्वमि राकुमार ख्येंया बारे छुं जानकारी नं शेयर यानादीगु खः । लु:ज इन्टरटेनमेन्टया ब्यानरय् न्ह्यब्वःगु थुगु म्येया निर्देशन, सम्पादन व छायांकन लु:ज सिंहं यानादीगु दु । सिंहं अतिकं यःगु म्ये हेरा माया मैंचाया निंतिं कलाकार ल्ययेगु निसें कयाः आःया तिमालय यचु ख्व म्येतकया अनुभव नं कनादीगु खः ।
ज्याझ्वलय् मूपाहां वरिष्ठ साहित्यकार शाक्य सुरेनं नेपालभाषाया उच्चस्तरीय म्येयात ल्वःगु उच्चस्तरीय भिडियोयात तसकं सम्मान प्वंकादीगु खः । अन्तय् ज्याझ्वःया सभापतित्वय् झायादीम्ह कलाकार राकेश अवालं ९३ दँया अनुभवी कलाकार क्रोधकला शिरामणि कालु कुमालेया जीवनया बारे म्येया फिल्मांकन यायेगु झ्वलय् थःगु बांलाःगु अनुभव न्यंकादिल, अले निर्देशक लुजसिंहं हे थःम्हेस्यां हे याःगु व भिडियोयात उत्कृष्टता बियागु खँ कनादिल ।
थुगु म्येय् सोहेत मानन्धर व कृषा अमात्यया मू भुमिका दु । थुकी मू पात्र प्रभातकुमार ख्यें म्हितादीगु दुसा सहायक नायिका अन्जिला शाक्यं म्हितादीगु दु ।एरेन्जर भूपेन्द्र बज्राचार्य व मास्टरिङ एण्ड मिक्सिंग हरिशरण साय्मि यानादिगु जुल ।
